З прывітальным словам да ўдзельнікаў жнівеньскай педагагічнай канферэнцыі звярнулася намеснік старшыні райвыканкама Наталля Ходзька. Прадстаўнік улады падзякавала настаўнікам за плённую працу, асобна адзначыўшы педагогаў, якія папоўнілі скарбонку алімпіядных дасягненняў раёна.
За падрыхтоўку пераможцы заключнага этапу рэспубліканскай алімпіяды пасведчанне і прэмія Гомельскага абласнога выканаўчага камітэта была ўручана Людміле Мчэдлавай.
За плённую працу, дасягнутыя поспехі ў навучанні і выхаванні падрастаючага пакалення Граматамі Петрыкаўскага раённага выканаўчага камітэта ўзнагароджаны Наталля Дворнік, Вікторыя Кандрашонак, Юлія Несцярэня, Наталля Чыжык, Іван Якубенка.
Таксама, за падрыхтоўку ўстановы адукацыі да новага навучальнага года Наталля Ходзька ўручыла сертыфікаты на тэхналагічнае абсталяванне дырэктару Брынёўскай сярэдняй школы Алене Сасноўскай і загадчыцы Навасёлкаўскага дзіцячага садка Іне Макарэцкай.
У рабоце канферэнцыі прыняў удзел старшыня раённага Савета дэпутатаў Віталій Пілер. Прадстаўнік улады ў сваім прывітальным слове падзякаваў настаўнікам за плённую працу. Граматамі Петрыкаўскага раённага Савета дэпутатаў былі ўзнагароджаны Аляксандр Барэлка, Іраіда Дрыга, Юлія Пасечнік.
Павіншаваў настаўніцкую грамадскасць Петрыкаўшчыны з пачаткам новага навучальнага года рэктар Гомельскага абласнога інстытута адукацыі Віктар Акуленка. За плённую працу, дасягнутыя поспехі ў навучанні і выхаванні падрастаючага выхавання Граматай Галоўнага ўпраўлення адукацыі Гомельскага аблвыканкама былі ўзнагароджаны Людміла Сілівонец, Аксана Брызіцкая, Анастасія Шабалтас, Тацяна Яцук.
Перад педагогамі Петрыкаўшчыны выступіла начальнік аддзела адукацыі Петрыкаўскага райвыканкама Людміла Жукавец, якая ў сваім аналізе закранула ўсе накірункі адукацыйнага працэсу. Прыемным момантам канферэнцыі стала ўзнагароджанне Людмілай Мікалаеўнай лепшых устаноў адукацыі. Па выніках 2024/2025 навучальнага года ў конкурсе за лепшую арганізацыю работы ўстаноў агульнай сярэдняй адукацыі былі ўручаны Пераходныя Кубкі: гімназіі горада Петрыкава – дырэктар Людміла Хільман, Курыціцкай сярэдняй школе – дырэктар Валянціна Марозька. Сярод устаноў дашкольнай адукацыі: дашкольнаму цэнтру развіцця дзіцяці – загадчык Алена Панамарэнка, Навасёлкаўскаму дзіцячаму саду – загадчык Іна Макарэцкая. Сярод устаноў дадатковй адукацыі: Петрыкаўскаму раённаму цэнтру творчасці дзяцей і моладзі – дырэктар Надзея Слабадзянюк.
За плённую працу, дасягнутыя поспехі ў навучанні і выхаванні падрастаючага выхавання Граматай аддзела адукацыі Петрыкаўскага райвыканкама былі ўзнагароджаны Дзмітрый Антанішын, Вікторыя Берднік, Таццяна Вольская, Наталля Герасіменка, Людміла Гулько, Алена Дубік, Алла Мазуркевіч, Алена Макарэвіч, Валянціна Марцынкевіч, Канстанцін Навічэнка, Алена Нікешына, Валянціна Панцюк, Таццяна Пінкоўская, Ганна Судзібар, Святлана Харытонава, Анастасія Шамрыленка, Наталля Шэлег, Алена Юрэвіч. Віншуем! Ад райкама прафсаюзаў работнікаў адукацыі і навукі былі ўручаны сувеніры маладым спецыялістам. За плённае супрацоўніцтва з установамі адукацыі ўручаны Удзячнасці Нацыянальнаму парку «Прыпяцкі», Петрыкаўскаму аграсэрвісу.
Оставить комментарий