Пашыраны пералік тавараў, што падпадаюць пад прасочванне!

З 1 снежня бягучага года ў пералік тавараў, звесткі пра зварот якіх з’яўляюцца прадметам прасочвання, далучаны 36 новых таварных пазіцый, у тым ліку:

– малако і малочныя прадукты (кефір, ражанка, смятана, сыр цвёрды, паўцвёрды, мяккі і плаўлены), бакалейная прадукцыя (мука, гарбата, кава, крупы, макаронныя вырабы, аўсяныя шматкі, алей) маянэз, печыва, пернікі, шакалад, абутковыя тавары, складаная бытавая тэхніка (тэлевізары, пыласосы, прасы, машыны пральныя і пасудамыечныя, куханныя камбайны, мікрахвалевыя печы, імбрыкі, фены, мультываркі, дрылі, варачныя панэлі), мыючыя сродкі для прання.
Звяртаем увагу, што зварот тавараў, якія падпадаюць пад прасочванне, прадугледжвае пераход суб’ектаў гаспадарання на выкарыстанне электроннага дакументазвароту (электронных накладных) і вядзенне ўліку ў разрэзе кожнага прыхаднога дакумента.
Рэкамендацыі для суб’ектаў гаспадарання, што ажыццяўляюць зварот тавараў, у адносінах якіх з 1 снежня ўводзіцца механізм прасочвання, размешчаны на афіцыйным сайце міністэрства па падатках і зборах у раздзеле “Прасочванне тавараў” па адрасе nalog.gov.by.

Марына АСТАШОВА,
начальнік упраўлення па рабоце з плацельшчыкамі
па Петрыкаўскім раёне.