Старшыня раённага Савета дэпутатаў Віталій Пілер на гэтым тыдні сустрэўся з насельніцтвам вёскі Макарычы.
Кола тэм для абмеркавання было шырокім, аднак галоўная – выбары Прэзідэнта Рэспублікі Беларусь.
– Любая электаральная кампанія мае вялікае значэнне для краіны. А выбары Прэзідэнта – галоўная палітычная падзея, паколькі менавіта яны прадвызначаюць нашу будучыню, – адзначыў выступоўца.
Старшыня райсавета расказаў прысутным, як змянялася наша краіна некалькі дзесяцігоддзяў у перыяд незалежнасці. Бывае, каб ацаніць маштаб змен, трэба паглядзець на “было” і “стала” на канкрэтных прыкладах.
Віталій Уладзіміравіч адзначыў: каб і далей беларусы жылі пад мірным небам у свабоднай квітнеючай краіне, у сацыяльна-арыентаванай дзяржаве, трэба быць не староннімі назіральнікамі, а актыўна ўдзельнічаць у грамадска-палітычным жыцці. І, адпаведна, прыняць удзел у выбарах Кіраўніка дзяржавы павінны ўсе, хто мае права голасу.
Гаворка ішла і пра тое, што сітуацыя цяпер у свеце і непасрэдна каля межаў Беларусі даволі напружаная. Вось чаму важная кансалідацыя ўсяго беларускага грамадства вакол Прэзідэнта, каб супрацьстаяць знешнім пагрозам.
У час сустрэчы ўзнімаліся пытанні па развенчванні фэйкаў у інфармацыйным полі, дзе трэба знаёміцца з праверанай інфармацыяй і як не дазволіць уцягнуць сябе, сваякоў у супрацьпраўныя дзеянні, як не трапіць у пастку кібермахляроў.
Дыялог з удзельнікамі сустрэчы прадоўжылі абмеркаваннем надзённых для насельніцтва пытанняў.
Святлана СОБАЛЕВА,
фота аўтара.
Оставить комментарий