На пасаду галоўнага ўрача ўстановы аховы здароўя “Петрыкаўская ЦРБ” назначаны Яўгеній Анатольевіч ЛОГВІНЕЦ.
Нарадзіўся ў горадзе Мазыры ў 1993 годзе. У 2016 годзе закончыў УА “Гомельскі дзяржаўны медыцынскі ўніверсітэт” па спецыяльнасці “Лячэбная справа”, у 2017 годзе ў гэтай жа ўстанове адукацыі прайшоў перападрыхтоўку па спецыяльнасці “Агульная ўрачэбная практыка”. У 2022 годзе закончыў Акадэмію кіравання пры Прэзідэнце Рэспублікі Беларусь па спецыяльнасці “Дзяржаўнае кіраванне і права”.
Сваю працоўную дзейнасць пачаў у перыяд навучання ва УА “Гомельскі дзяржаўны медыцынскі ўніверсітэт” санітарам выязной брыгады аддзялення хуткай медыцынскай дапамогі ДУАЗ “Гомельская гарадская станцыя хуткай медыцынскай дапамогі”. Пасля праходжання інтэрнатуры з 2017 года працаваў участковым урачом-тэрапеўтам, урачом агульнай практыкі Слабадской участковай бальніцы УАЗ “Мазырская гарадская паліклініка”.
З 2019 года працаваў на пасадзе намесніка дырэктара па медыцынскай часці КУП “Дзіцячы рэабілітацыйна-аздараўленчы цэнтр “Сідзельнікі”.
31 мая назначаны на пасаду галоўнага ўрача УАЗ “Петрыкаўская ЦРБ”.
Оставить комментарий