Такую непрывабную карціну можна ўбачыць насупраць гарадскіх могілак па вуліцы Ленінскай
Жыхары, наводзячы парадак на магілах сваіх родных і блізкіх, выносяць смецце праз дарогу і пакідаюць практычна на ўзбочыне. А побач, метрах у дзесяці, стаяць кантэйнеры для збору смецця, пастаўленыя мясцовым райжылкамгасам непасрэдна для гэтых мэт.
Выснова напрошваецца сама сабой: нягледзячы на тое, што тэма добраўпарадкавання абмяркоўваецца ў грамадстве актыўна, ёсць тыя, хто існуючыяпатрабаванні ігнаруе. Безадказныя і абыякавыя – так ахарактарызаваць такіх людзей.
Крыўдна, што ў той час, калі адны жыхары працуюць, каб горад стаў прыгажэйшым, іншыя ствараюць вось такія звалкі.
Агучаную сітуацыю давядзецца выпраўляць работнікам камунгасу. Ці справядліва вы, землякі паступаеце з людзьмі, чыя дзейнасць з раніцы да вечара накіравана на ваш дабрабыт і камфорт? З тымі, хто жыве побач з вамі?
Святлана СОБАЛЕВА.
Фота аўтара.
Оставить комментарий