У сённяшні ліпеньскі дзянёк у аграгарадку Лучыцы ўрачыста, весела і шматлюдна: населены пункт святкуе Дзень вёскі!
На свята сабраліся жыхары і ўраджэнцы Лучыц, мерапрыемства навежаў старшыня раённага Савета дэпутатаў Віталій Пілер. Пачаўся Дзень вёскі з ускладання кветак да памятнага знака ахвярам Вялікай Айчыннай Вайны.
Вайна – гэта вялікі боль для беларусаў, бо закранула кожную сям’ю. Удзельнікі цырымоніі адзначылі: кожны раз, калі стаіш ля абеліска і чытаеш выбітыя на ім прозвішчы, міжволі думаеш пра тых зусім незнаёмых людзей.
Маладыя, яны, канешне ж, вельмі хацелі жыць, кахаць, гадаваць дзетак. Але ўсё перакрэсліла страшная вайна.
Памяць пра іх у нашых сэрцах. Бо дзякуючы ім мы жывём на мірнай зямлі праводзім святы, будуем планы на будучыню.
Оставить комментарий