Цэнтральная выбарчая камісія Беларусі зарэгістравала сем ініцыятыўных груп па вылучэнні ў кандыдаты на пасаду прэзідэнта.
На мінулым тыдні ЦВК завяршыла рэгістрацыю ініцыятыўных груп. Усяго іх сем, уключаючы ініцыятыўную групу дзеючага Прэзідэнта Беларусі Аляксандра Лукашэнку.
Зарэгістраваны таксама ініцыятыўныя групы лідара Ліберальна-дэмакратычнай партыі Беларусі (ЛДПБ) Алега Гайдукевіча, старшыні Рэспубліканскай партыі працы і справядлівасці (РППС) Аляксандра Хіжняка, галоўнага ідэолага Мінска Вольгі Чамаданавай (12 лістапада заявіла аб выхадзе з барацьбы за прэзідэнцкую пасаду).
Ініцыятыўныя групы Ганны Канапацкай, кіраўніка Беларускага саюза афіцэраў (БСА) Сяргея Бобрыкава (12 лістапада заявіў аб выхадзе з электаральнай кампаніі) і лідара Кампартыі Беларусі Сяргея Сыранкова таксама прайшлі рэгістрацыю ў ЦВК.
Згодна з Каляндарным планам па правядзенні і падрыхтоўцы выбараў, рэгістрацыя кандыдатаў у прэзідэнты будзе праводзіцца з 22 па 31 снежня ўключна.
З 1 студзеня 2025 года пачнецца перадвыбарная агітацыя і інфармаванне выбаршчыкаў, з 21 па 25 студзеня – датэрміновае галасаванне, а 26 студзеня – адбу-дзецца асноўны дзень галасавання на выбарах.
Не пазней за 5 лютага ЦВК павінна ўстанавіць вынікі выбараў прэзідэнта. У выпадку неабходнасці другі тур галасавання пройдзе да 9 лютага.
Галіна КАЗАК. Фота аўтара.
Оставить комментарий