Далёкае рэха Вялікай Айчыннай вайны і цяпер даносіцца да нас. На тэрыторыі раёна штогод выяўляюцца выбухованебяспечныя знаходкі, што ўяўляюць небяспеку для навакольных. Як правільна паводзіць сябе, каб зберагчыся ад трагедыі пры выяўленні такіх рэчаў?
Калі вы знайшлі выбухованебяспечную рэч, не трэба безадказна ставіцца да яе: зрушваць з месца, браць у рукі і, тым больш, кідаць ці ўдараць, пераносіць, несці дадому ці ў іншыя месцы, закопваць у зямлю, кідаць у вадаём альбо ў вогнішча ці іншыя крыніцы агню, не рабіць спроб самастойна абясшкодзіць падазроныя прылады.
Разам з тым, неабходна памятаць, што не толькі вы можаце знайсці падобныя рэчы, але і непаўналетнія, а гэта можа цягнуць за сабой непрадказальную небяспеку. Таму варта растлумачыць гэтыя простыя правілы дзецям.
Трэба ведаць, што пры выяўленні выбуховых прыстасаванняў (мін, гранат, снарадаў) або выбуховых рэчываў (артылерыйскага пораху, толу, тратылу), а таксама іншых выбухованебяспечных рэчаў, неабходна паведаміць пра знаходку ў РАУС па нумарах тэлефонаў 102, 5-23-49, 8-029-608-50-02, або раённы аддзел па надзвычайных сітуацыях па нумары 101, пасля чаго далейшай работай па абясшкоджванні знаходкі будуць займацца спецыялісты сапёрна-піратэхнічных падраздзяленняў.
Нагадваем, што незаконныя дзеянні ў дачыненні да выбуховых прылад і выбуховых рэчываў, як то іх набыццё, перадача ў валоданне, збыт, захоўванне, перавозка, перасылка або нашэнне — цягнуць за сабой крымінальную адказнасць па артыкуле 295 Крымінальнага кодэкса, які прадугледжвае пакаранне да 12 гадоў пазбаўлення волі.
Па вышэй адзначаных нумарах тэлефонаў РАУС вы можаце паведаміць інфармацыю пра зброю, боепрыпасы, выбуховыя прыстасаванні і выбуховыя рэчывы, якія незаконна захоўваюцца ў грамадзян, а таксама атрымаць інфармацыю пра парадак добраахвотнай здачы такіх рэчаў. У адпаведнасці з дзеючым заканадаўствам, асобы, якія добраахвотна здалі зброю, боепрыпасы, выбуховыя прыстасаванні і выбуховыя рэчывы, што захоўваліся незаконна, вызваляюцца ад крымінальнай і адміністрацыйнай адказнасці.
Яўгеній МОЎКА, намеснік начальніка РАУС.
Оставить комментарий