Дзякуем за шчырую працу, хлебаробы!

Сёння, на палетках бліз вёскі Аголічы шанавалі хлебаробаў — тысячнікаў СУП «Палессе-Аграінвест».

З словамі падзякі да аграрыяў звярнуўся старшыня райвыканкама Аляксандр Верамееў: «Сёння мне двойчы прыемна адзначаць вашыя дасягненні, бо Прэзідэнт Беларусі Аляксандр Лукашэнка высока ацаніў вашую работу, наведваючы наша прадпрыемства. Дазвольце падзякаваць вам за тую цяжкую працу, якая ладзіцца, калі вы выходзіце на палеткі».

Да віншаванняў далучыліся намеснік старшыні райвыканкама Алег Козінец, выконваючая абавязкі дырэктара сельгаспрадпрыемства Алена Асадчая, намеснік генеральнага дырэктара Мазырскага нафтаперапрацоўчага завода Святлана Данільчук і старшыня райарганізацыі РГА «Белая Русь» Святлана Блінец.

Ганаровымі граматамі і падарункамі былі ўзнагароджаны Аляксей Клімчык, Аляксей Невяроўскі, Генадзь Рута, Канстанцін Корбут, Сяргей Шараеў, Сяргей Казел, Валерый Атрошчанка і Валерый Яцук.

Арцём ГУСЕЎ.
Фота аўтара.