У рамках візіту на Петрыкаўшчыну дэпутат Палаты прадстаўнікоў Нацыянальнага сходу Рэспублікі Беларусь Святлана СЯНЬКО сустрэлася з навучэнцамі Мышанскай сярэдняй школы.
Галоўная тэма дыялогавай пляцоўкі: «Вялікай Перамозе — 80».
Адкрываючы сустрэчу, Святлана Уладзіміраўна нагадала аб тым, як восем дзесяцігоддзяў таму савецкі народ атрымаў Перамогу ў самай кровапралітнай вайне ў гісторыі чалавецтва.
Парламентарый звярнула ўвагу на прынцыпы выхавання падрастаючага пакалення. «Моладзі патрэбна тлумачыць, якім чынам нам дасталася Вялікая Перамога. Якую цану заплацілі нашы дзяды і прадзеды, каб сёння жыць пад мірным небам. Кіраўнік краіны робіць усё магчымае, каб мы жылі ў згодзе і міры. Патрэбна праводзіць больш патрыятычных мерапрыемстваў, наведваць музеі Вялікай Айчыннай вайны, мемарыялы і помнікі.
Заключнае слова Святланы Уладзіміраўны стала напамінам аб тым, што важна не толькі памятаць аб мінулым, але і рабіць усё магчымае для прадухілення паўтарэння трагедый.
— Не дайце гісторыі сцерці памяць аб героях. Будуйце мір дзеля будучых пакаленняў, — адзначыла Святлана Уладзіміраўна, натхняючы моладзь на актыўныя дзеянні ў інтарэсах сваёй краіны.
Оставить комментарий