Старшыня райарганізацыі «Беларускі саюз жанчын» Галіна Казак, актывіст арганізацыі, намеснік старшыні камісіі па справах непаўналетніх райвыканкама Вольга Усціновіч-Насека завіталі ў лагеры дзённага знаходжання, што дзейнічаюць на базе ўстаноў адукацыі раёна, з прыемнай місіяй: кіраўніцтву і рабятам быў перададзены спартыўны інвентар для арганізацыі актыўнага баўлення вольнага часу.
Як пазначыла лідар грамадскага руху, заняткі спортам і карыснае сумеснае баўленне вольнага часу — лепшы варыянт арганізацыі летніх канікул, таму жаночая грамадскасць раёна выступіла з ініцыятывай умацаваць у гэтым накірунку матэрыяльна-тэхнічную базу ўстаноў адукацыі і такім чынам разнастаіць варыянты адпачынку дзяцей.
Вольга Уладзіміраўна ў сваю чаргу нагадала рабятам пра тое, што лепшыя канікулы — гэта бяспечныя канікулы. Разам з дзецьмі прыгадалі асноўныя правілы бяспекі і дамовіліся іх выконваць.
Оставить комментарий