У Міжнародны дзень пажылых людзей Капаткевіцкая гарпасялковая бальніца расчыніла свае дзверы для ганаровых гасцей, якія прынеслі з сабой не толькі падарункі, але і часцінку душэўнага цяпла.
Старшыня грамадскай арганізацыі «Белая Русь» Святлана Блінец і старшыня раённай арганізацыі Беларускага Таварыства Чырвонага Крыжа і Алена Трухановіч завіталі з дабрачыннай акцыяй у Капаткевіцкую гарпасялковую бальніцу, у аддзяленне сястрынскага догляду, каб павіншаваць пражываючых.
Святлана Міхайлаўна павіншавала пацыентаў бальніцы са святам:
— Гэтае свята — нагода яшчэ раз выказаць вам найглыбейшую ўдзячнасць і павагу за ваш вялізны жыццёвы вопыт і мудрасць. Мы ведаем, што зараз вам патрабуецца адмысловы клопат і ўвага, і жадаем, каб вы заўсёды адчувалі нашу падтрымку і цеплыня. Няхай кожны ваш дзень будзе напоўнены святлом, утульнасцю і клопатам. Жадаю вам моцнага здароўя, бадзёрасці духу.
Госці ўручылі падапечным бальніцы 18 падарункаў . Святочны настрой працягнулі артысты ансамбля песні і танца «Лявоніха» Капаткевіцкага Дома культуры. Музычныя нумары і цёплыя словы артыстаў падарылі падапечным бальніцы хвіліны радасці, напоўнілі дзень яркімі эмоцыямі.
Прыемна адзначыць, што ў Навасёлкаўскай бальніцы сястрынскага догляду былі ўручаны 30 падарункаў, якія арганізаваў ІП Уладзімір Іванавіч Фурман, які ўжо больш за 20 гадоў аказвае спонсарскую дапамогу Навасёлкаўскай бальніцы сястрынскага догляду.
Оставить комментарий