На мінулым тыдні адбылося пасяджэнне назіральнай камісіі, створанай пры раённым выканаўчым камітэце, у якім прынялі ўдзел асобы, якія вызваліліся з месцаў пазбаўлення волі, а таксама асобы, якія адбываюць пакаранне не звязанае з пазбаўленнем волі, якія не працуюць і не вучацца. Усяго ў мерапрыемстве прынялі ўдзел 18 грамадзян названай катэгорыі.
Кожнаму з прысутных была дадзена магчымасць выступіць перад членамі камісіі і звярнуцца па існуючых пытаннях. У сваім звароце судзімыя ўказалі на існуючыя цяжкасці пры вырашэнні пытання працаўладкавання або навучання. Па некаторых асобах прынята рашэнне аб пастаноўцы на ўлік, як маючых патрэбу ў працаўладкаванні, у раённае ўпраўленне па працы занятасці і сацыяльнай абароны, членамі камісіі вызначана роля ў вырашэнні пытання працаўладкавання, вызначаны тэрміны рэалізацыі пастаўленых пытанняў.
Таксама начальнікам крымінальна-выканаўчай інспекцыі была нададзена асаблівая ўвага асобам не занятым працоўнай дзейнасцю, якія пражываюць у сельскай мясцовасці, у рамках рэалізацыі Комплексу дадатковых мер па забеспячэнні дысцыпліны і грамадскага парадку ў сельскай мясцовасці.
Неабходна адзначыць, што ў працэсе зносін з судзімымі, асаблівага жадання працаўладкавацца ў некаторых не было заўважана.
У першую чаргу, вырашэнне бытавых і працоўных пытанняў рэалізуюцца тады, калі чалавек сам мае вялікае жаданне дасягнення названай мэты, а дапамога навакольных яму патрэбна толькі як падтрымка і паручальніцтва.
Віктар ПРЫШЧЭПА, начальнік КВІ Петрыкаўскага РАУС.
Оставить комментарий