Надзея СТЭЛЬМАШОНАК, старшыня Муляраўскага сельскага Савета: -Набліжаецца знакавая падзея ў жыцці нашай краіны – Усебеларускі народны сход. Палітычны форум, які збярэ прадстаўнікоў усіх слаёў грамадства, стане пляцоўкай для абмеркавання найважнейшых пытанняў развіцця краіны. Асаблівая ўвага будзе нададзена тэме, якая датычыцца кожнага з нас: стварэнне якаснага і зручнага асяроддзя для жыцця. Мы жывем у эпоху хуткіх змен, калі патрабаванні да якасці жыцця растуць. Беларусы хочуць не проста мець дах над галавой і працу, але і жыць у камфортных, бяспечных і прыгожых умовах. Яны імкнуцца да якаснай адукацыі і медыцыны, магчымасцей для самарэалізацыі і адпачынку, экалагічна чыстага асяроддзя і развітай інфраструктуры. Я ўпэўнена, што на сходзе будуць прыняты новыя рашэнні, якія яшчэ больш удасканаляць жыццё беларусаў.
Оставить комментарий