“Здаровая нацыя як аснова развіцця Беларусі”

Інфармацыйна-прапагандысцкая група на чале з намеснікам старшыні райвыканкама Аляксандрай Янчанкавай наведала працоўны калектыў Цэнтра па забяспячэнні дзейнасці бюджэтных арганізацый Петрыкаўскага раёна.
Асноўная тэма сустрэчы
– “Здаровая нацыя як аснова развіцця Беларусі”. У час мерапрыемства было адзначана: будучыня любой краіны – гэта перш за ўсё здаровыя грамадзяне.
У Беларусі кожны чалавек незалежна ад узроўню дабрабыту, сацыяльнага становішча мае магчымасць бясплатна атрымаць любы від медыцынскай дапамогі. Гэта гарантыя з боку дзяржавы.
Права на ахову здароўя замацавана ў Канстытуцыі Рэспублікі Беларусь, дзяржава ўзяла на сябе абавязацельства па стварэнні ўмоў даступнага для ўсіх грамадзян медыцынскага абслугоўвання.
У гэтай сувязі даступная і эфектыўная сістэма аховы здароўя – найважнейшы прыярытэт дзяржаўнай палітыкі Рэспублікі Беларусь.
Беларусь – адна з нямногіх краін постсавецкай прасторы і еўрапейскага рэгіёна, дзе захавана і адаптавана да сацыяльна-эканамічных умоў бюджэтная сістэма фінансавання аховы здароўя.
У рэспубліцы створана і паспяхова дзейнічае разгалінаваная сетка ўстаноў аховы здароўя. У кожным населеным пункце забяспечана даступнасць першаснай медыцынскай дапамогі – ад фельчарска-акушэрскіх пунктаў да раённых і гарадскіх бальніц і паліклінік. Акрамя таго, развіваецца сетка міжраённых аддзяленняў і кабінетаў у шматпрофільных установах аховы здароўя, якія маюць найноўшую тэхнічную базу і забяспечаных кваліфікаванымі спецыялістамі.
Даступнасць медыцынскай дапамогі – адзін з асноўных атрыбутаў беларускай сацыяльнай дзяржавы. І гэта прамы шлях да развіцця рэгіёнаў, захавання і ўмацавання дэмаграфічнага патэнцыялу Беларусі.
У час мерапрыемства, члены інфармацыйна-прапагандысцкай групы выступілі з інфармацыяй па сваіх прафесійных накірунках, намеснік старшыні райвыканкама давяла інфармацыю аб эканамічным развіцці раёна.