Заявы Прэзідэнта ў ходзе справаздачы Урада – задачы для кожнага

Аляксандр Верамееў, старшыня Петрыкаўскага раённага выканаўчага камітэта:
– Аляксандр Лукашэнка падчас справаздачы Урада адзначыў, што не першую пяцігодку ўжо ставіцца мэта зрабіць аграрны сектар фінансава ўстойлівым прыбытковым бізнесам. Пры гэтым Кіраўнік дзяржавы заўважыў, што, сапраўды, зарабляем нядрэнна, але дзяржпадтрымка на пакрыццё страт па-ранейшаму высокая, як і льготныя пазыкі, і пазыкі з бюджэту. Праўда і тое, што дзяржаўная дапамога сельскаму сегменту – гэта паўсюдная сусветная практыка. Магчыма, але, справядліва зазначыў Прэзідэнт, – час набываць большую самастойнасць.
Пачулі мы ўстаноўку Прэзідэнта і пра якасныя кармы, за якімі – здаровая жывёла, прыбаўленні ў вазе і надоі, і пра падзеж БРЖ, які павінен быць мінімізаваны.
Цалкам згодны з заўвагай лідара дзяржавы, што землі сельгаспрызначэння – гэта святое. Сёлета будзе працягнута работа па своечасовым унясенні ўсіх відаў мінеральных і арганічных угнаенняў, што не толькі здольна павялічыць ураджайнасць, але і бальнасць зямлі.
Што да вынікаў 2025 года, то сельгасарганізацыі раёна спрацавалі нядрэнна. Так, выраблена прадукцыі на суму 105,9 мільёнаў рублёў, што на 11,4 мільёна рублёў вышэй за ўзровень 2024 года. Тэмп росту склаў больш за 112 %. Прадукцыі жывёлагадоўлі выраблена на суму 70,8 мільёнаў рублёў або 114,9 % да мінулага года. З іх, мяса буйной рагатай жывёлы вырашчана на суму 13,2 мільёна рублёў або 110,9 % да ўзроўню мінулага года. Свіней вырашчана на суму 8,7 мільёнаў рублёў – 101 % да 2024 года. Малака надоена на суму 47,1 мільён рублёў, гэта больш за 119 %.
Вытворчасць малака па раёне склала 43 тысячы тон, гэта на 6 894 тоны вышэй за ўзровень мінулага года.
Прадукцыі раслінаводства атрымана на суму больш за 35 мільёнаў рублёў, што на 6,8 % вышэй за ўзровень мінулага года. Хочацца адзначыць, што ў выніку ад рэалізацыі сельскагаспадарчай прадукцыі, работ і паслуг атрымана 87,4 мільёна рублёў ці 125 % да 2024 года. Аб’ём выручкі павялічыўся на 17,5 мільёнаў рублёў. У сярэднім адным работнікам зароблена 76,3 тысячы рублёў з ростам больш за 28 %.
Мы сельскагаспадарчы раён, таму добра разумеем, што нам трэба дадаваць, у поўнай меры ўсведамляем адказнасць за эканамічныя паказчыкі раёна.
На ўзбраенне бяром слушную заўвагу Прэзідэнта наконт таго, што “насельніцтва ў свеце пастаянна расце. Не сёння, дык заўтра прадукты харчавання будуць даражэйшыя за золата” – і гэта сапраўды так.