На Петрыкаўшчыне стартуе рэспубліканская акцыя “З клопатам пра бяспеку малой Радзімы”, мэта якой – папярэджанне пажараў з прычыны неасцярожнага абыходжання з агнём і гібелі людзей пажылога ўзросту.
Мерапрыемствы ў рамках акцыі будуць праходзіць з 16 верасня па 4 кастрычніка з грамадзянамі сталага і пенсійнага ўзросту ў тэрытарыяльных цэнтрах сацыяльнага абслугоўвання насельніцтва, па шляху руху аўтакрам, дамах культуры і іншых аб’ектах, размешчаных у населеных пунктах.
Выратавальнікі яшчэ раз нагадаюць пра правілы бяспекі, засяродзяць увагу на прычынах узнікнення надзвычайных сітуацый. Пра бяспеку таксама будзе вяшчаць спецыяльны транспарт МНС, які праедзе па сельскіх населеных пунктах для трансліравання насельніцтву кароткіх прафілактычных тэкстаў праз гучнагаварыцель. У сельскіх населеных пунктах на адкрытых пляцоўках пройдуць тэматычныя “Кірмашы бяспекі”.
Запрашаем усіх далучыцца да нашай акцыі!
Сяргей ШАМРА, інспектар прапаганды РАНС.
Оставить комментарий