У раённага аддзялення партыі “Белая Русь” – новы лідар

У райцэнтры прайшла справаздачна-выбарная канферэнцыя Петрыкаўскага раённага аддзялення Гомельскай вобласці Беларускай партыі “Белая Русь”

У межах канферэнцыі заслухалі справаздачу старшыні раённага аддзялення партыі “Белая Русь” Мікалая Семяніцкага аб дзейнасці партыі.

Па інфармацыі Мікалая Уладзіміравіча, на рахунку партыйцаў за час існавання раённага аддзялення нямала добрых спраў: гэта і актыўны ўдзел у грамадска-палітычных мерапрыемствах, працоўных дэсантах, дабрачынных акцыях.

Таксама вынікі падвяла кантрольна-рэвізійная камісія.  Удзельнікі канферэнцыі зацвердзілі новы састаў Савета аддзялення, кантрольна-рэвізійнай камісіі, абралі казначэя.

Ключавым момантам канферэнцыі стала абранне на пасаду старшыні раённага аддзялення партыі “Белая Русь” Наталлі Ходзька.

Наталля Мікалаеўна падзякавала аднапартыйцам за аказаны давер і запэўніла, што і надалей партыя будзе ініцыятарам і актыўным удзельнікам важных і карысных спраў, накіраваных на будаўніцтва моцнай і квітнеючай Беларусі.

Галіна КАЗАК.
Фота аўтара.