У чат-бот “Петрыкаўскіх навін” звярнуўся неабыякавы падпісчык.
Жыхар Петрыкава даслаў фота-здымак аўтобуснага прыпынку па вуліцы Карла Маркса, на адной з бакавін якой утварылася вялікая трэшчына. Дадзенае пашкоджанне стварае непрывабны выгляд і сведчыць пра недастатковую ўвагу адказных службаў да пытанняў добраўпарадкавання. Калі не замяніць пашкоджаны ўчастак зараз, то праз кароткі адрэзак часу замяняць патрэбна будзе ўсю бакавіну.
Не трэба выключаць і той факт, што сітуацыя нясе патэнцыйную пагрозу для бяспекі грамадзян. Вострыя краі могуць стаць прычынай траўмы.
Мы чакаем адпаведных дзеянняў ад адказных службаў па дадзенай сітуацыі.
Святлана СОБАЛЕВА.
Оставить комментарий