6 жніўня БРСМ адзначыў свой дваццаць другі дзень нараджэння.

З нагоды свята на базе ДУА “Гімназія г. Петрыкава” была праведзена адкрытая дыялогавая пляцоўка.

Толькі разам, толькі наперад!

З уступным словам выступіла дэпутат Палаты Прадстаўнікоў Нацыянальнага сходу Рэспублікі Беларусь Святлана Сянько:

– Маладзёжнаму руху у нашай краіне надаецца асаблівая ўвага. Дзяржава робіць усё, каб моладзь з карысцю і цікава змагла правесці свой час, развівацца ў розных накірунках: ствараюцца спартыўныя аб’екты, актыўна развіваецца турызм. Моладзь – будучае нашай краіны.

Пасля віншавальных слоў парламентарый прадметна адказала на пытанні ўдзельнікаў мерапрыемства, сярод якіх былі: “якое Ваша любімае месца на тэрыторыі Петрыкаўшчыны?”,  “якім чынам арганізавана работа па прыцягненні маладых спецыялістаў?”, “якія месцы і славутасці Беларусі параілі б наведаць?” Дыялог атрымаўся канструктыўным, цікавым і асабліва душэўным.

Старшыня раённага Савета дэпутатаў Віталій Пілер павіншаваў удзельнікаў мерапрыемства і расказаў, як у нашай краіне развіваўся маладзёжны рух і звярнуў увагу на тое, што сучасная моладзь нашай краіны таленавітая, разумная і ініцыятыўная.

Дар’я Туравец, першы сакратар БРСМ:

– Дзякуючы падтрымцы нашай дзяржавы, мы развіваемся і годна выконваем усе свае задачы і мэты. Галоўныя задачы саюза моладзі – выхаваць добрых людзей і сапраўдных патрыётаў.

У Дар’і Сяргееўны вучні пацікавіліся якім жа павінен быць па яе меркаванні сапраўдны член БРСМ?

– Самая галоўная якасць, без якой наўрад ці вы сможаце стаць сапраўдным членам БРСМ, гэта сумленнасць. У любой справе трэба заставацца перш за ўсё чалавекам, шчырым, добрым і адказным.

Святлане Сянько і ўсім прысутным была прапанавана ідэя запісаць віншаванне, у якой дружна быў агучаны дэвіз саюза моладзі: “Толькі разам, толькі наперад!”

IMG_9264.jpgВажным момантам свята стала прыняцце вучняў у рады БРСМ. А мы ў сваю чаргу жадаем Беларускаму рэспубліканскаму саюзу моладзі росквіту і плённай працы! Няхай усе мэты будуць выкананы!

Анастасія ФЕЛЬКІНА. Фота аўтара.

Оставить комментарий

avatar
  Подписаться  
Уведомление о