Сёння на палетку «Вялікае поле» БК-АГРА ААТ «Чалюшчавічы» прайшло раённае свята пачатку Жніва-2025 «Зажынкі».
Нашыя продкі верылі, што напачатку жніва трэба было з любоўю дамовіцца з матухнай-зямлёй і падзякаваць ёй за падораны ўраджай. Жніво пачыналі з таго, што старэйшая жанчына прыносіла на ўскрай поля каравай з былога ўраджаю, як даніну зямлі і пахвалу Богу.
Матухна-зямелька, прымі наш нізкі паклон, матухна-зямелька, дай нам сілу вялікую, каб нашыя рукі не балелі, каб нашы ногі не нямелі, каб нашы спіны не нылі, каб мы ўсё поле зваявалі, усе жыта пажалі.
У знак сардэчных пачуццяў ад хлебаробаў раёна каравай прымаў старшыня раённага выканаўчага камітэта Аляксандр Верамееў, яго намеснік Алег Козінец, кіраўнікі сельгаспрадпрыемстваў Петрыкаўшчыны.
Старэйшая жняя Тамара Піліпенка з жанчынамі і маладымі дзяўчатамі зажынаюць снапы.
Стаўлю сноп на сто коп, на тысячу мерак!
Наш сноп красны, як месяц ясны,
Яшчэ высшы за плота, яшчэ дарожчы за плота.
Яшчэ высшы ад гары, ясней ад зары!
На Беларусі існуе добрый звычай — перад вялікай і значнай падзеяй прасіць благаслаўлення Божага.
Са словамі благаслаўлення першага снапа і пачатку жніва да ўдзельнікаў раённага свята «Зажынкі-2025» звярнуўся настаяцель храма «Нечаканая радасць» Айцец Сергій Капітан Абрад асвячэння поля, тэхнікі, снапоў і ўсіх прысутных.
Першы сноп — кіраўніку раёна, каб жніво прайшло без страт, каб тэхніка не псавалася, каб Бог даў здароўя ўсім удзельнікам жніва.
Святочныя зажыначныя снапы атрымалі ўсе кіраўнікі гаспадарак раёна.
Старт жніву дадзены! Высокіх намалотаў, шаноўныя! 
Оставить комментарий