З мэтай папярэджання ДТЗ з удзелам непаўналетніх, у перыяд з 24 па 28 сакавіка на тэрыторыі Гомельскай вобласці Дзяржаўтаінспекцыяй будзе праведзена прафілактычная акцыя «Бяспека дзяцей!».
Увага праваахоўнікаў будзе накіравана на тлумачэнне дарослым удзельнікам дарожнага руху правілаў паводзін на дарозе з прыкладамі ўжо ўчыненых канкрэтных здарэнняў, звяртаючы ўвагу на неабходнасць пастаяннага кантролю за дзецьмі ў час іх знаходжання на вуліцы, правіл бяспечнай перавозкі і важнасць выкарыстання дзіцячых утрымліваючных прылад і рамянёў бяспекі, а таксама мер прававой адказнасці ў выпадку неналежнасці.
Супрацоўнікамі ДАІ будуць праведзены рэйдавыя мерапрыемствы і, у выпадку выяўлення парушэнняў ПДР з боку непаўналетніх, з імі будзе праводзіцца тлумачальная работа па недапушчэнні ўчынення правапарушэнняў і небяспекі, якая чакае іх на дарозе.
Электрасамакат, гіраскутер, сігвей, монаколы завуцца зараз “сродкі персанальнай мабільнасці” і разумеюцца як прылады або прыстасаванні, якія не з’яўляюцца транспартнымі сродкамі, прыводзяцца ў рух рухавіком і прызначаны для індывідуальнага або сумеснага выкарыстання пешаходамі.
ВАЖНА!
Сродкі персанальнай мабільнасці:
– не лічацца транспартнымі сродкамі. Пры гэтым у іх павінны быць спраўныя тармазная сістэма і руль;
– пры перамяшчэнні пешаходу рэкамендуецца выкарыстоўваць ахоўную экіпіроўку;
– могуць ехаць па веладарожцы, а пры адсутнасці – па тратуары, пешаходнай дарожцы або абочыне, не ствараючы перашкод для пешаходаў;
– скрыжаванне праезнай часткі дарогі на сродку персанальнай мабільнасці павінна ажыццяўляцца па веласіпедным пераездзе або веласіпеднай дарожцы з захаваннем патрабаванняў, прадугледжаных ПДР для руху веласіпедыстаў, а ў выпадку адсутнасці веласіпеднага пераезду або веласіпеднай дарожкі – у месцах, прадугледжаных для пешаходаў;
– хуткасць руху павінна быць не больш за 25 км/г;
– Кіраванне ў алкагольным ці наркатычным стане катэгарычна ЗАБАРОНЕНА.
Пешаходам, якія рухаюцца на СПМ, дазволена:
– не спешвацца на пераходах. Пры гэтым яны павінны перасякаць праезную частку з хуткасцю ідучага крокам пешахода, папярэдне пераканаўшыся, што выхад (выезд) на праезную частку бяспечны;
– ехаць па праезнай частцы ў зонах “з абмежаваннем максімальнай хуткасці руху”;
– у жылой і пешаходнай зонах рухацца па праезнай частцы;
На сродку персанальнай мабільнасці ЗАБАРОНЕНА:
– перавозіць пасажыраў па-за спецыяльна абсталяванымі месцамі для сядзення, прадугледжанымі канструкцыяй СПМ;
– не трымацца за руль (пры яго наяўнасці);
– перамяшчацца ва ўзросце да 14-ці гадоў (акрамя пешаходных і жылых зон);
– пры выхадзе (выездзе) на праезную частку дарогі і руху па ёй здзяйсняць дзеянні, якія пагражаюць бяспецы дарожнага руху.
ВАЖНА!
У цёмны час сутак і пры недастатковай бачнасці пешаходам на СПМ неабходна пазначыць сябе святлоадбіўнымі элементамі, а на сродку персанальнай мабільнасці павінна быць усталявана фара (ліхтар), якая дазваляе своечасова выявіць перашкоду для дарожнага руху.
Сяргей МІЦУРА,
начальнік АДАІ РАУС.
Оставить комментарий