На тэрыторыі Петрыкаўскага раёна з 24 па 26 сакавіка праходзіла прафілактычная акцыя “Саступі дарогу спецыяльнаму транспарту”, мэта якой – павышэнне ўзроўню транспарт-най дысцыпліны і прафілактыка дарожна-транспартных здарэнняў сярод удзельнікаў дарожнага руху пры руху транспартных сродкаў аператыўнага прызначэння з уключанай гукавой і светлавой сігналізацыяй.
Супрацоўнікі АДАІ Петрыкаўскага РАУС чарговы раз нагадалі вадзіцелям і пешаходам, што пры сустрэчы са спецтранспартам з уключанымі пробліскавымі маячкамі і сірэнай варта неадкладна саступіць яму дарогу.
Згодна з часткай 10 артыкула 18.13 Кодэкса аб адміністрацыйных правапарушэннях Рэспублікі Беларусь за невыкананне аўтамабілістамі правілаў дарожнага руху па забеспячэнні бесперашкоднага праезду транспартнага сродку аператыўнага прызначэння прадугледжаны штраф у памеры ад дзвюх да дзесяці базавых велічынь з пазбаўленнем права кіравання транспартным сродкам тэрмінам да аднаго года або без яго.
Сяргей МІЦУРА,
начальнік АДАІ АУС.
Фота з інтэрнэту.
Оставить комментарий