На тэрыторыі Гомельскай вобласці за студзень-люты бягучага года адбылося 45 дарожна-транспартных здарэнняў, у якіх 8 чалавек загінулі і 48 атрымалі розныя траўмы. У параўнанні з аналагічным перыядам мінулага года па ўсіх пазіцыях назіраецца зніжэнне: мелі адпаведна 49, 11 і 61.
З удзелам пешаходаў адбылося 19 ДТЗ, што вышэй мінулагодняга паказчыку на адно ДТЗ, у якіх 3 пешаходы загінулі і 16 атрымалі траўмы рознай ступені цяжкасці.
З мэтай папярэджання ДТЗ 28 сакавіка прайшоў Адзіны дзень бяспекі дарожнага руху пад дэвізам “Рух па правілах!”. Асаблівая ўвага ў гэты дзень была нададзена прафілактыцы бяспечнага перамяшчэння на сродках персанальнай мабільнасці.
Пры правядзенні супрацоўнікамі АДАІ і МГБ РАУС прафілактычных выступленняў у працоўных калектывах і ўстановах адукацыі быў арганізаваны прагляд відэаролікаў па папярэджанні ДТЗ, растлумачана адказнасць за парушэнне правілаў перамяшчэння на сродках персанальнай мабільнасці.
Віталій МАРКЕВІЧ,
начальнік РАУС.
Оставить комментарий