Адзіны дзень інфармавання для ідэалагічнага актыва раёна прайшоў у кінатэатры “Беларусь” у фармаце дыялогавай пляцоўкі “Мы разам назаўжды” і быў прысвечаны 85-годдзю ўз’яднання Заходняй Беларусі і БССР.
Сустрэча пачалася з прагляду фільма “Шлях да адзінства” тэлерадыёкампаніі “Гомель”.
Наступны канструктыўны дыялог з ідэалагічным актывам раёна па тэме сустрэчы выбудоўвалі аўтарытэтныя эксперты сустрэчы: дэпутат Палаты прадстаўнікоў Нацыянальнага сходу Рэспублікі Беларусь Святлана Сянько, настаўнікі гісторыі і грамадазнаўства гімназіі і першай гарадской школы Галіна Туравец і Жанна Парфіевіч.
Разам з экспертамі і мадэратарам сустрэчы Святланай Блінец прысутныя ў зале прыгадалі трагічныя і гераічныя вехі гісторыі, разгледзелі першапрычыны вызваленчага паходу Чырвонай Арміі на Заходнюю Беларусь.
Дэпутат Палаты прадстаўнікоў Нацыянальнага сходу Рэспублікі Беларусь Святлана Сянько падрабязна спынілася на гістарычнай перадумове свята і адказнасці кожнага беларуса за сучаснасць і будучыню краіны.
У час мерапрыемства эксперты сустрэчы адрасавалі прысутным пытанні, поўныя і разгорнутыя адказы на якія былі адзначаны памятнымі сувенірамі ад РА РГА “Белая Русь”.
Завяршылася сустрэча з ідэалагічным актывам тэматычным інтэрактывам “Праўда-хлусня”, падчас якога ўдзельнікі мерапрыемства адказалі на пытанні мадэратара па разгледжаных на сустрэчы пытаннях.
Інтэрактыў паказаў, што закранутыя на сустрэчы гістарычныя падзеі знайшлі жывы водгук сярод прысутных.
Парламентарый адзначыла высокі ўзровень падрыхтоўкі ідэалагічнага актыву раёна і пажадала ўсім прысутным мірнага неба, сямейнага дабрабыту і вытворчых поспехаў на карысць роднай Беларусі.
Галіна КАЗАК, фота аўтара.
Оставить комментарий