Раённы краязнаўчы конкурс «Знаўцы роднага краю», які праводзіў ДУА «Петрыкаўскі раённы цэнтр турызму і краязнаўства дзяцей і моладзі», сабраў 6 снежня ў Петрыкаве лепшых юных даследчыкаў-краязнаўцаў. Самыя дапытлівыя, цікаўныя і эрудыраваныя прыехалі, каб пазмагацца і паказаць свае веды ў веданні асаблівасцей развіцця свайго рэгіёна. Усяго ў турніры ўдзельнічала 14 камандаў, кожная складалася з чатырох чалавек. Барацьба была не простой і праходзіла ў тры туры: першы — у выглядзе тэстаў, другі праходзіў як бліц-апрос, трэці тур — прэзентацыя сваіх праектаў на тэму 80-годдзя Вялікай Перамогі. Вучні школы 1 г.Петрыкава падрыхтавалі творчыя нумары для удзельнікаў. Краязнаўцы ўпэўнена выконалі заданні двух першых тураў, а трэці тур выклікаў асаблівую цікавасць, як у ўдзельнікаў і прысутных педагогаў. так і ў журы. Інтэрактыўныя гульні і плакаты, электронныя кнігі і пазнавальныя кантэнты — шмат формаў праектаў прадставілі юныя даследчыкі. Задача журы была не простай: вылучыць з лепшых краязнаўцаў самых дасведчанных. Дыплом трэцяй ступені атрымалі краязнаўцы школы нумар 1 г.Петрыкава, дыпломам другой ступені адзначаны вучні Мышанскай школы, і з невялікім адрывам пераможцамі сталі краязнаўцы Курыцічскай школы.
Оставить комментарий