Прыём грамадзян і прадстаўнікоў юрыдычных асоб на базе раённага выканаўчага камітэта правёў старшыня Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўстве і дзяржаўным будаўніцтве Міхаіл Русы.
На прыём да члена Савета Рэспублікі звярнулася дзевяць жыхароў Гомельшчыны па надзённых і хвалюючых пытаннях.
Так, жыхарку вёскі Лучыцы хвалюе адсутнасць ва ўласнікаў прыватнай гаспадаркі магчымасці здаць лішкі малака.
Пытанне ў час прыёму вынесена на ўзровень кіраўніцтва Калінкавіцкага МСЗ і ў бліжэйшы час будзе вырашана станоўча.
З пытаннем прадастаўлення жылля ў горадзе Гомелі звярнулася ураджэнка раёна, сірата, якая сёлета закончыла адзін з Гомельскіх каледжаў і размеркавана на працу ў абласны цэнтр.
Інтэрнат дзяўчыне не прадаставілі, здымаць жыллё дапамаюць бабуля і дзядуля, аднак гэта не танна. Дадзена даручэнне накіраваць ліст з адпаведным пакетам дакументаў у Гомельскі ўчастак чыгункі для разгляду і мэру для садзеяння ў прадастаўленні інтэрната.
Оставить комментарий