Аддзел статыстыкі Петрыкаўскага раёна Галоўнага статыстычнага ўпраўлення Гомельскай вобласці інфармуе аб правядзенні суцэльнага дзяржаўнага статыстычнага назірання фінансава-гаспадарчай дзейнасці мікраарганізацый.
Так, раз у пяць гадоў органамі дзяржаўнай статыстыкі праводзіцца суцэльнае дзяржаўнае статыстычнае назіранне фінансава-гаспадарчай дзейнасці мікраарганізацый па форме 1-мп (мікра) “Справаздача аб фінансава-гаспадарчай дзейнасці мікраарганізацыі”. За 2024 год справаздачу прадстаўляюць новаствораныя ў бягучым годзе арганізацыі, а таксама камерцыйныя арганізацыі з сярэдняй колькасцю работнікаў за каляндарны год, які папярэднічае справаздачнаму, да 15 чалавек уключна.
З 14 студзеня па 3 лютага 2025 года ўсімі рэспандэнтамі павінна быць прадстаўлена справаздача па форме 1-мп (мікра) у выглядзе электроннага дакумента ў рэжыме on-line з дапамогай шматфункцыянальнага вэб-партала Белстата.
З інфармацыйнымі матэрыяламі па форме 1-мп (мікра) можна азнаёміцца на афіцыйным сайце Галоўнага ўпраўлення http://gomel.belstat.gov.by, перайшоўшы па банеры “Аб прадстаўленні форм 1-мп (мікра) і 1-мп за 2024 год”.
Па ўсіх пытаннях просім звяртацца ў аддзел статыстыкі Петрыкаўскага раёна Галоўнага статыстычнага ўпраўлення Гомельскай вобласці па нумары тэлефона 8-02350-2-74-60.
Аксана БАСЮК,
начальнік аддзела статыстыкі
Петрыкаўскага раёна.
Оставить комментарий