Подзвігу народа жыць у стагоддзях

Сёння Петрыкаўшчыну з працоўным візітам наведала дэпутат Палаты прадстаўнікоў Нацыянальнага сходу Рэспублікі Беларусь, член Петрыкаўскага раённага аддзялення Беларускай партыі “Белая Русь” Святлана СЯНЬКО.

Пачаўся візіт з сустрэчы з працоўным калектывам Петрыкаўскага раённага выканаўчага камітэта па тэме “Подзвігу народа жыць у стагоддзях”, прымеркаванай 80-годдзю Перамогі Савецкага народа ў Вялікай Айчыннай вайне.

Парламентарый адзначыла –Перамога ў Вялікай Айчыннай вайне заўсёды будзе выклікаць гонар за подзвіг нашых продкаў, за іх гераічнасць і самаахвярнасць у барацьбе з ненавісным і вельмі моцным ворагам. Для беларусаў праўда і памяць пра тыя падзеі мацнейшыя за час і не маюць меж. Гэта асабліва важна сёння, калі нарастае дэструктыўная рыторыка шэрагу краін у дачыненні да суверэнных дзяржаў, якія не жадаюць убудоўвацца ў “парадак”, які навязваецца звонку.

Паводле апошніх звестак Генеральнай пракуратуры, на тэрыторыі Беларусі фашысцкімі карнікамі было арганізавана звыш 578 лагераў смерці. Даказана правядзенне не менш як 187 буйных карных аперацый на нашай тэрыторыі. Пацверджана знішчэнне не менш як 12 348 сёл і вёсак. Яшчэ адной формай генацыду быў вываз грамадзянскага насельніцтва на прымусовыя працы ў Нямеччыну, іншыя краіны Заходняй Еўропы. За гады вайны з тэрыторыі БССР было вывезена больш за 380 тысяч чалавек, з якіх многія загінулі ад невыносных умоў эксплуатацыі. Масавы характар ​​насіў і згон на прымусовыя працы дзяцей.

Святлана Уладзіміраўна канстатавала: мы ніколі не прабачым жорсткасць, бесчалавечнасць і бясчынствы нацыстаў.

Таксама з прысутнымі была абмеркавана Дырэктыва Прэзідэнта Рэспублікі Беларусь № 11. “Дысцыпліна  – залог паспяховай працы. Асноўная ўвага надаецца не фармальнаму падыходу да захавання выканальніцкай дысцыпліны работнікамі, а якаснаму складальніку дзейнасці. Для эфектыўнай сістэмы дзяржаўнага кіравання вельмі важна, каб кожны супрацоўнік выконваў свае абавязкі добрасумленна, якасна і адказна. Ад своечасовага і якаснага выканання прынятых рашэнняў залежаць усебаковае і паскоранае развіццё дзяржавы, а таксама павышэнне ўзроўню жыцця грамадзян”, – адзначыла Святлана Уладзіміраўна.