Петрыкаўшчына стала пляцоўкай для абласнога праекта «Школа маладога кіраўніка»

Практычны семінар-вучоба для ўдзельнікаў абласнога праекта “Школа маладога кіраўніка” праходзіць сення на Петрыкаўшчыне.

Семінар узяў старт на таварнай ферме “Турок” аддзялення “Петрыкаў” СУП “Палессе-Аграінвест”. З прывітальным словам да ўдзельнікаў мерапрыемства звярнуўся кіраўнік раёна Аляксандр Верамееў.

На ТФ “Турок” дырэктар СУП “Палессе-Аграінвест” старшыня раённага выканаўчага камітэта Аляксандр Верамееў і Алена Асадчая азнаёмілі ўдзельнікаў практычнага семінара з вытворчымі памяшканнямі фермы і тэхналагічным працэсам вырошчвання маладняка буйной рагатай жывёлы.

Па пытанні аднаўлення статка буйной рагатай жывёлы і комплексе супрацьэпізаатычных мерапрыемствах, якія прымаюцца на прадпрыемстве, а таксама з прыманымі мерамі па забеспячэнні захаванасці маладняка буйной рагатай жывёлы будучых маладых кіраўнікоў і ўдзельнікаў семінара пазнаёміла галоўны ветэрынарны ўрач Аліна Каладзей.

Удзельнікі семінара-вучобы наведалі малочна-таварны комплекс “Вышалаў”.
Старшыня раённага выканаўчага камітэта Аляксандр Верамееў і кіраўнік сельгаспрадпрыемства Алена Асадчая пазнаёмілі ўдзельнікаў практычнага семінара з вытворчымі памяшканнямі комплекса і тэхналагічным працэсам вытворчасці малака і вырошчвання маладняка буйной рагатай жывёлы.

Галоўны ветэрынарны ўрач СУП “Палессе-Аграінвест” Аліна Каладзей пазнаёміла ўдзельнікаў семінара-вучобы з тэхналогіяй атрымання малака пры сучасных спосабах утрымання жывёл. Распавяла спецыяліст і пра асноўныя аспекты вырошчвання маладняка.
Асаблівую ўвагу галоўны ўрач сельгаспрадпрыемства надала пытанню прафілактыкі і лячэння захворванняў малочнай залозы ў кароў.

Акрамя грунтоўнай практычнай часткі, праграмай семінара было прадугледжана наведванне галоўнага турыстычнага аб’екта Петрыкаўшчыны – Нацыянальнага парку “Прыпяцкі”. Госці з усіх куткоў Гомельшчыны з задавальненнем павандравалі па сафары-парку.