П’янаму і бяспраўнаму не месца на дарозе!

З 9 па 12 жніўня на тэрыторыі Петрыкаўшчыны праводзіцца прафілактычнае мерапрыемства пад назвай “П’янаму і бяспраўнаму не месца на дарозе!”.

У час правядзення мерапрыемства супрацоўнікі ДАІ разам з іншымі службамі РАУС праводзяць рэйдавыя мерапрыемствы па адпрацоўцы найбольш верагодных месцаў з’яўлення вадзіцеляў, якія маглі знаходзіцца ў нецвярозым стане, а таксама грамадзян, што не мелі вадзіцельскага пасведчання. Акрамя гэтага ўвага будзе надавацца і нецвярозым уразлівым удзельнікам дарожнага руху, у першую чаргу – пешаходам і веласіпедыстам.

Дзяржаўтаінспекцыя нагадвае, што згодна з артыкулам 18.15 Кодэкса аб адміністрацыйных правапарушэннях, кіраванне транспартным сродкам асобай, якая знаходзіцца ў стане алкагольнага ап’янення, пры наяўнасці абсалютнага этылавага спірту ў крыві ці выдыхаемым паветры ў канцэнтрацыі да 0,8 праміле ўключна цягне накладанне штрафу ў памеры ста базавых велічынь з пазбаўленнем права займацца вызначанай дзейнасцю тэрмінам на тры гады.

РАУС звяртаецца з просьбай да ўсіх жыхароў Петрыкаўшчыны пра паведамленне вядомых фактаў кіравання транспартнымі сродкамі ў стане ап’янення ці асобамі, што не маюць вадзіцельскага пасведчання, а таксама знаходжання паблізу ці на праезнай частцы пешаходаў ці веласіпедыстаў, якія сваімі дзеяннямі ствараюць пагрозу дарожнай бяспецы. Такім чынам вы можаце захаваць здароўе і, нават, жыццё ўдзельнікаў руху.

Між іншым, у Акцябскім раёне супрацоўнікі ДАІ затрымалі бяспраўнага камбайнера ў нецвярозым стане. 

Дзмітрый ПРЫХОДЗЬКА,

часова выконваючы абавязкі на пасадзе начальніка АДАІ РАУС.