На тэрыторыі вобласці ў бягучым годзе адбылося 524 пажары травы і кустоўя на агульнай плошчы звыш 135 гектараў, 23 тарфяныя пажары агульнай плошчай звыш 19 гектараў і 95 лясных пажараў агульнай плошчай звыш 100 гектараў.
Надзвычайная пажарная небяспека на Гомельшчыне захоўваецца і колькасць узгаранняў у прыродных экасістэмах увесь час павялічваецца. Таксама фіксуюцца пажары з вялікай колькасцю будынкаў.
Толькі ў верасні падраздзяленні МНС Гомельскай вобласці неаднаразова выязджалі на ліквідацыю такіх пажараў. На Петрыкаўшчыне агнём знішчаны 2 пабудовы і гараж у населеным пункце Навасёлкі і 5 гаспадарчых пабудоў у Смятанічах. У Буда-Кашалёўскім раёне агнём знішчаны 1 жылы дом, 1 дом для сезоннага пражывання, 4 гаспадарчыя пабудовы, пашкоджаны 3 нежылыя дамы. У Лельчыцкім – 1 нежылы дом і 6 гаспадарчых пабудоў. Прычыны інцыдэнтаў высвятляюцца. Разгляданая версія – неасцярожнае абыходжанне з агнём.
Надзвычайная пажарная небяспека – гэта самы высокі ўзровень рызыкі. У гэты перыяд верагоднасць узнікнення ўзгаранняў дасягае найвышэйшага ўзроўню. Сухое надвор’е, высокая тэмпература паветра, нізкая вільготнасць – умовы, якія спрыяюць хуткаму распаўсюджванню агню, што робіць сітуацыю асабліва небяспечнай. А большасць пажараў – справа рук чалавека. Варта разумець, што пры надзвычайнай пажарнай небяспецы 5 класа, узгаранні з’яўляюцца ад любой крыніцы агню. Гарэнне здзяйсняецца ўзмоцнена, агонь распаўсюджваецца хутка. Тушэнне лясных пажараў, напрыклад, магчыма толькі ў пачатковай стадыі іх фарміравання, гэта значыць разрослы лясны пажар патушыць практычна немагчыма! Толькі адбіць тэрыторыю, каб агонь не распаўсюдзіўся далей. У такіх умовах асабліва важна прафілактычная работа выратавальнікаў. Інфармаванне насельніцтва, прафілактычныя рэйды па населеных пунктах, маніторынгі і патруляванне тэрыторый – усё гэта штодзённая праца выратавальнікаў ва ўсіх рэгіёнах вобласці. Але самую галоўную ролю тут адыгрываюць менавіта людзі. Толькі праява адказнасці і выкананне правіл пажарнай бяспекі кожным грамадзянінам дапаможа прадухіліць узнікненне пажараў.
У пажаранебяспечны перыяд неабходна ўстрымацца ад выкарыстання адкрытага агню не толькі ў лясах і на тарфянішчах, але і на прысядзібных участках. Не кідайце недакуркі і запалкі, у тым ліку з акна аўтамабіля. Памятайце, што нельга пакідаць у асветленым сонцам месцы бутэлькі або аскепкі шкла, якія, факусуючы сонечныя прамяні, здольныя спрацаваць як запальныя лінзы.
Не забывайцеся і пра адмі-ністрацыйную адказнасць. У адпаведнасці з артыкулам 16.40 Кодэкса Рэспублікі Беларусь аб адміністрацыйных правапарушэннях незаконнае выпальванне сухой расліннасці, траў на пні, а таксама іржышча і пажніўных рэшткаў на палях або непрыняцце мер па ліквідацыі выпальванняў на зямельных участках – цягнуць накладанне штрафу ў памеры ад 3 да 10 базавых велічынь. Таксама паводле артыкула 16.41. развядзенне вогнішчаў у забароненых месцах таксама прыводзіць да накладання штрафу ў памеры да 12 базавых велічынь. Калі, усё ж такі, вы сабраліся навесці парадак на сваім участку, памятайце, што спальваць можна толькі расліннае смецце. Камунальныя адходы падлягаюць збору і выдаленню: гаспадары абавязаны прымаць меры па іх дастаўцы ў санкцыянаваныя месцы захоўвання. Выберыце прыдатнае месца для спальвання. Неабходна пераканацца, што яно знаходзіцца на дастатковай адлегласці ад будынкаў, дрэў і іншых гаручых матэрыялаў. Лепш за ўсё выкарыстоўваць спецыяльныя металічныя кантэйнеры для спальвання. Ні ў якім разе не выкарыстоўвайце для распальвання вогнішча лёгкаўзгаральныя або гаручыя вадкасці. Трымайце пад рукой вядро з вадой ці пяском, вогнетушыцель для ліквідацыі магчымых узгаранняў. Сачыце за працэсам спальвання і кантралюйце агонь. Не пакідайце вогнішча без нагляду і пераканайцеся, што яно цалкам патушана пасля заканчэння працэсу.
Адказныя адносіны кожнага грамадзяніна да пытанняў пажарнай бяспекі дапамогуць прадухіліць узнікненнем пажараў, тым самым захаваць жыццё і маёмасць людзей, а таксама прыродную экасістэму.
Святлана СОБАЛЕВА, па інфармацыі РАНС.
Оставить комментарий