На тэрыторыі Конкавіцкага сельвыканкама працягваюцца работы па вывазцы парубачных рэшткаў паваленых стыхіяй дрэў

Па словах старшыні сельскага Савета Івана Міцуры, да работ па навядзенні парадку, разам з супрацоўнікамі сельвыканкама, далучыліся мясцовыя жыхары, прадстаўнікі дэпутацкага корпусу рознага ўзроўню.
— Здавалася, і бяды вялікай ураган не прынёс, аднак работы па навядзенні поўнага санітарнага парадку на тэрыторыі сельвыканкама працягваюцца па сённяшні дзень. Усе паваленыя дрэвы распілаваныя, цягам некалькіх дзён будзе арганізавана іх вывазка, — паведаміў у час размовы нашаму карэспандэнту прадстаўнік мясцовай улады.

Сёння арганізавана вывазка парубачных рэшткаў з тэрыторыі грамадзянскіх могілак у вёсцы Міцуры.