Мы помнім, і ў гэтым наша сіла!

Старшыня раённага Савета дэпутатаў Віталій Пілер сустрэўся з працоўным калектывам Навасёлкаўскай сярэдняй школы.
Асноўная тэма сустрэчы пымеркаванная да 80-годдзя Перамогі Савецкага народа ў Вялікай Айчыннай вайне.
Прадстаўнік улады адзначыў: у гісторыі Беларусі нямала старонак, якімі ганарацца многія пакаленні. Аднак ёсць асаблівыя даты, якія сталі вызначальнымі для суверэнітэту краіны. Адна з такіх – 9 мая.
– Для нашай краіны тая вайна была не Другая сусветная, з дапамогай якой колішнія гаспадары свету чарговы раз дзялілі планету на новыя сферы ўплыву, а Вялікая Айчынная – вайна за сваю будучыню, за сваю зямлю, за незалежнасць. Без перабольшвання, лёс чалавецтва ў вогненныя 40-я гады мінулага стагоддзя вырашаўся на савецка-германскім фронце. Тое, што не змагла зрабіць ні адна армія краін Еўропы, ажыццявілі байцы і камандзіры Чырвонай Арміі, – адзначыў старшыня райсавета.
Для ўдзельнікаў мерапрыемства была арганізавана экскурсія ў школьны музей, што надало сустрэчы хвалюючых момантаў і незабыўных уражанняў.