Мабільная група Петрыкаўскага райвыканкама штотыдзень праводзіць маніторынг суб’ектаў гаспадарання раёна па пытаннях захавання нормаў аховы працы, вытворчай дысцыпліны, навядзення парадку на тэрыторыі. У адзін з апошніх выездаў былі наведаны шэраг аб’ектаў раёна.
Не абышлося без заўваг. Так работнікі кацельні КВУП «Петрыкаўскі райжылкамгас” у пасёлку Муляраўка не ў поўным аб’ёме забяспечаны спецвопраткай.
У ДУ «Петрыкаўская раённая ветэрынарная станцыя» электрычныя шчыты не маюць дыспетчарскай назвы, з унутранага боку адсутнічаюць адналінейныя схемы. Аўтаматычныя выключальнікі не маюць надпісаў. Аналіз парушэнняў патрабаванняў па ахове працы паказаў, што многае з названага, можна было пазбегнуць, каб была арганізавана неабходная дысцыпліна на месцах.
Не варта забываць, што грэбаванне нормамі аховы працы можа прывесці да непапраўнай сітуацыі.
Оставить комментарий