У асенне-зімовы перыяд разам з пячным і цэнтралізаваным ацяпленнем жылых і іншых памяшканняў часта выкарыстоўваюць і электранагравальныя прыборы. Гэта дастаткова простыя і зручныя ў звароце электрычныя прыборы, але пры невыкананні вызначаных умоў і мер бяспекі, яны таксама могуць даставіць нямала праблем.
Каб пазбегнуць непрыемнасцяў і няшчасных выпадкаў пры выкарыстанні электранагравальных прыбораў, неабходна прытрымлівацца наступных правіл:
– не ўжывайце для абароны электрасетак ад кароткага замыкання і перагрузак самаробныя засцерагальнікі “жучкі”, карыстайцеся толькі засцерагальнікамі завадскога вырабу;
– перад першым уключэннем абагравальніка ў электрычную сетку ўважліва вывучыце дакумент па яго бяспечнай эксплуатацыі. Не дапускаецца карыстанне ва ўмовах, якія не адпавядаюць патрабаванням эксплуатацыйнай дакументацыі вытворцаў;
– нельга ўжываць электранагравальныя прыборы, якія не маюць прадугледжаных канструкцыяй прылад цеплавой абароны (аўтаматычнага адключэння), тэрмарэгулятараў, а таксама пры іх няспраўнасці;
– не ўжывайце для абагрэву памяшканняў самаробныя электраабагравальнікі;
– забараняецца выкарыстоў-ваць правады і кабелі з пашкоджанай або страціўшай свае ахоўныя ўласцівасці ізаляцыяй, а таксама ўладкоўваць часавыя электраправодкі для падлучэння электранагравальных прыбораў. Сілкаванне ж стацыянарных прыбораў электрацеплазабеспячэння ў жылых памяшканнях варта ажыццяўляць па незалежных ад іншых электрапрымальнікаў лініях, пачынаючы ад кватэрных шчыткоў;
– награвальныя прыборы варта размяшчаць на негаручых асновах. Дапускаецца размяшчаць на гаручай аснове пры ўмове ўсталявання паміж імі пракладкі з негаручага цеплаізаляцыйнага матэрыялу;
– не пакідайце ўключаны ў сетку электраабагравальнік без нагляду, усталёўвайце ацяпляльны электрапрыбор на адлегласці не менш за 0,5 метра да гаручых матэрыялаў;
– рэгулярна чысціце абагра-вальнік ад пылу, нельга накрываць яго гаручымі матэрыяламі;
– не сушыце адзенне і іншыя згаральныя матэрыялы над электранагравальнымі прыборамі;
– у выпадку награвання электраразеткі, электравілкі або кароткага замыкання электраправодкі ці электрапры-бораў неадкладна адключыце іх і арганізуйце рамонт з дапамогай спецыяліста;
– не пакідайце дзяцей без нагляду і не даручайце ім нагляд за ўключанымі электра- і абагравальнымі прыборамі.
Віктар ВАЛАСОВІЧ, начальнік Петрыкаўскай РЭГІ.
Оставить комментарий