Госці з Магадана завіталі ў ДРАЦ “Пціч”

Мэта сустрэча: пазнаёміцца бліжэй з умовамі пражывання, паслугамі, якія аказвае ўстанова, увогуле, наведаць дзяцей, што прыехалі сюды на аздараўленне

Нагадаем, што зараз у ДРАЦ “Пціч” адпачываюць 80 хлопчыкаў і дзяўчынак – вучні магаданскай школы-інтэрната і абласнога цэнтра адукацыі.

Для намесніка старшыні пастаяннай дэпутацкай камісіі па пытаннях сацыяльнай палітыкі Вікторыі Голубевай, саветніка намесніка старшыні пастаяннай дэпутацкай камісіі Алены Гладцінавай правялі экскурсію па санаторыю, гасцей таксама пазнаёмілі з матэрыяльна-тэхнічнай базай, пазнаёмілі з пералікам медыцынскіх працэдур, паказалі, дзе і як пражываюць дзеці з замежжа.

Старшыня раённага Савета дэпутатаў Віталій Пілер адзначыў, што Петрыкаўшчына заўсёды з цеплынёй сустракае ўсіх, хто імкнецца бліжэй пазнаёміцца з жыццём беларусаў, вітае тых, жадае атрымаць комплекс аздараўленчых працэдур. Тым больш, што ў нашым краі не толькі клапоцяцца пра здароўе, а і ствараюць усе ўмовы для пашырэння культурнага асяроддзя, абмена вопытам.

“Упэўнена, гэта не апошняя паездка, улічваючы, што дарога займае не так шмат часу, як можна сабе ўявіць: 8 гадзін на самалёце “Магадан-Масква”, а затым 1,5 гадзіны на самалёце да Гомеля.

Вядома, санаторый і ўмовы пражывання ўразілі. Педагогі, якія прыехалі ў якасці суправаджаючых, таксама пакідаюць толькі станоўчыя водгукі. Трэба ўлічваць, што наш край мае суровы клімат, а ў Беларусі значна цяплей. Мы пад вялікім уражаннем ад таго, як сустракалі нашых падапечных. Такая ўвага і клопат вялікага каштуюць. Для нашых рабят – гэта псіхалагічная разрадка.

Улічваючы колькасць і разнастайнасць аздараўленчых працэдур, будучы навучальны год у іх павінен прайсці без хвароб. Мы вельмі рады такому супрацоўніцтву і дзякуем кіраўніцтву Гомельскай вобласці і Петрыкаўскага раёна за сардэчны прыём”, – сказала старшыня пастаяннай дэпутацкай камісіі па пытаннях сацыяльнай палітыкі Вікторыя Голубева.

Наталля ЧАРНЯЎСКАЯ.
Фота аўтара.