Праблема, пра якую пойдзе гаворка, неаднаразова агучвалася карэспандэнтамі раёнкі адказным за яе ўхіленне асобам. Аднак пахваліцца яе вырашэннем, на жаль, пакуль не выпадае. І ўсё ж надзеі мы не губляем.
Гаворка ідзе пра прыбіральню на грамадзянскіх могілках у райцэнтры, якая фактычна размяшчаецца ў некалькіх кроках ад месцаў пахавання.
Не цяжка зразумець усю гаму эмоцый родных нябожчыкаў ад такога суседства. У час нашага наведвання могілак, побач з прыбіральняй землякі, не маючыя сумлення, арганізавалі стыхійную звалку смецця. Верагодна, сам аб’ект выклікае адпаведныя паводзіны – не ведаем.
Канешне, прыбіральня на могілках павінна быць, аднак няўжо пабач з апошнім прытулкам памерлых, побач з месцам пахавання нечага бацькі, дачкі, суседа… Чаму не перанесці яе за агароджу? Збудаванне драўлянае, праблем ніякіх быць не павінна.
Разлічваем на станоўчае вырашэнне пытання.
В. МІКАЛАЕВА.
Фота аўтара.
Оставить комментарий