На Петрыкаўшчыне працягваецца збор подпісаў у падтрымку вылучэння кандыдатаў на пасаду Прэзідэнта Рэспублікі Беларусь.
Збор подпісаў – гэта важны этап на шляху да выбараў, і кожнаму выбаршчыку важна праяўляюць актыўнасць і зацікаўленасць у галоўнай палітычнай падзеі пяцігодкі.
Штодзень члены ініцыятыўных груп кандыдатаў працуюць на пікетах па зборы подпісаў у населеных пунктах раёна. Яны адзначаюць высокі інтарэс і актыўнасць землякоў на гэтым этапе выбарчай кампаніі. Выбаршчыкі падыхо-дзяць да гэтага працэсу з поўнай адказнасцю і сур’ёзнасцю: не проста падпісваюцца ў падтрымку кандыдатаў на пасаду кіраўніка дзяржавы, а і вывучаюць біяграфіі прэтэндэнтаў, задаюць пытанні аб нюансах заканадаўства, якое тычыцца выбараў, каб быць упэўненымі ў сваім выбары і не падвесці кандыдата, якому аддаюць свае галасы.
Такі актыўны ўдзел грамадзян у палітычным жыцці падкрэслівае ўсё большае жаданне петрыкаўчан уплываць на будучыню сваёй краіны і падтрымліваць тых, хто, па іх меркаванні, выступае гарантам міру ў краіне, здольны адстаяць права беларусаў на суверэнітэт і забяспечыць далейшае паступальнае развіццё Беларусі.
Нагадаем, выбаршчык павінен уласнаручна паставіць дату подпісу і распісацца ў падпісным лісце.
Таксама выбаршчык мае права паставіць подпіс у падтрымку некалькіх кандыдатур, якія прапануюцца для вылучэння кандыдатамі ў Прэзідэнты, але толькі адзін раз у падтрымку адной і той жа кандыдатуры.
Галіна КАЗАК.
Фота аўтара.
Оставить комментарий