Напрыканцы мінулага тыдня старшыня райвыканкама Аляксандр Верамееў пазнаёміўся з работай ДРАЦ “Пціч”.
Кіраўнік раёна на месцы вывучаў ход мантажных работ па ўстаноўцы новых катлоў у кацельні ДРАЦ “Пціч”.
Даведачна: ў рамках рэалі-зацыі Дзяржаўнай праграмы “Ліквідацыі наступстваў катастрофы на Чарнобыльскай АЭС” на 2021-2025 гады ў ДРАЦ “Пціч” вядзецца рэканструкцыя кацельні з заменай трох катлоў на энергаэфектыўныя.
Як пазначыла ў час наведвання аб’екта дырэктар Аксана Кайтанава, сучасныя катлы прызваны забяспечыць ДРАЦ цеплавой энергіяй і гарачым водазабеспячэннем, скараціўшы пры гэтым выдаткі.
На сустрэчы прысутнічалі прадстаўнікі заказчыка і падрадных арганізацый, якія падрабязна праінфармавалі кіраўніка раёна пра ход мантажных работ і тэрміны ўводу аб’екта ў эксплуатацыю. У дадзены момант завяршаецца мантаж другога катла, працуюць электрыкі падраднай арганізацыі. На пытанне кіраўніка раёна ці ёсць якія праблемы з мантажом абсталявання і своечасовым уводам аб’екта, прысутныя адказалі адмоўна.
Як запэўнілі дырэктар МУ “СПМК-45” ААТ “Палессебуд” Яўген Гарбар і вядучы інжынер па тэхнічным наглядзе за будаўніцтвам Сяргей Габузаў, прычын для хвалявання ні ў адміністрацыі ДРАЦ, ні ў кіраўніцтва раёна быць не павінна – аб’ект будзе здадзены своечасова.
У час наведвання рэабілі-тацыйна-аздараўленчага цэнтра кіраўнік раёна змог ацаніць матэрыяльна-тэхнічную базу ўстановы. Так, старшыня наведаў медыцынскі блок і пакоі для пражывання, вучэбныя і гульнявыя кабінеты, аддзяленне для аслабленых дзяцей, якія адпачываюць з бацькамі.
Як пазначыла ў час прэзентацыі цэнтра дырэктар Аксана Кайтанава, установа забяспечана ўсім неабходным для аказання якасных паслуг аздараўлення і адпачынку як дзіцячаму, так і даросламу насельніцтву краіны і блізкага замежжа.
На пытанне кіраўніка раёна пра перспектывы, Аксана Васільеўна адзначыла, што ўстанова не стаіць на месцы: штогод уводзяцца новыя паслугі і працэдуры, набываецца абсталяванне, праводзіцца рамонт і добраўпарадкаванне.
Даведачна: На сённяшні момант ва ўстанове за сродкі Дзяржпраграмы “Ліквідацыі наступстваў катастрофы на Чарнобыльскай АЭС” на 2021-2025 гады ідзе рэканструкцыя стадыёна з элементамі мадэрнізацыі.
Як пазначыў намеснік старшыні райвыканкама Аляксандр Дзягцяр, у наступным годзе аб’ект будзе здадзены. Усе запланаваныя на гэты год работы выкананы, сродкі асвоены.
Цікавіла старшыню райвыканкама Аляксандра Верамеева і пытанне загружанасці цэнтра. Па інфармацыі дырэктара, усе туры выхаднога дня ўжо на сённяшні дзень распісаны да канца восені. Што да дзіцячага адпачынку, то ўсё лета ва ўстанове адпачывала група дзяцей з Магадана, сёння адпачываюць рабяты з Гомельскага рэгіёна.
Галіна КАЗАК, фота аўтара.
Оставить комментарий