З мэтай далейшага развіцця інфраструктуры гандлю, грамадскага харчавання і бытавога абслугоўвання ў сельскай мясцовасці, а таксама стварэння спрыяльных умоў для пражывання з 1 студзеня бягучага года па 31 снежня 2028 года аднаўляецца прымяненне асобных падатковых льгот і прэферэнцый для індывідуальных прадпрымальнікаў і юрыдычных асоб, якія ажыццяўляюць на тэрыторыі сельскай мясцовасці рознічны гандаль, грамадскае харчаванне, аказанне бытавых паслуг.
Так, юрыдычныя асобы вызваляюцца ад выплаты падатку на нерухомасць, зямельнага падатку, арэнднай платы за зямельныя ўчасткі, што знаходзяцца ў дзяржаўнай уласнасці. Стаўка па падатку на прыбытак памяншаецца на 50 %.
Для індывідуальных прадпрымальнікаў-плацельшчыкаў падаходнага падатку стаўка падатку памяншаецца на 50 %.
Льготы распаўсюджваюцца на населеныя пункты і тэрыторыі па-за населеных пунктаў, што адносяцца да тэрыторый сельскай мясцовасці і малых гарадскіх пасяленняў, пералік якіх вызначаны Рашэннем абласнога савета дэпутатаў ад 4 ліпеня 2024 года № 41 «Аб вызначэнні пералікаў». З пералікам населеных пунктаў можна азнаёміцца на прававым інтэрнэт-партале https://www.pravo.by.
Задаць пытанні і атрымаць больш падрабязную інфармацыю можна па нумарах тэлефонаў: 2-70-59, 2-70-38 ці па адрасе: горад Петрыкаў, вуліца Гагарына, 17А, кабінеты № 1 і 2.
Марына АСТАШОВА,
начальнік упраўлення па рабоце з плацельшчыкамі
па Петрыкаўскім раёне.
Оставить комментарий