Напрыканцы мінулага тыдня прайшло пасяджэнне выканкама пад кіраўніцтвам старшыні райвыканкама Аляксандра Верамеева.
Першым на парадку дня стаяла пытанне аб сацыяльна-эканамічным развіцці Петрыкаўскага раёна ў студзені-верасні 2024 года. Як паведаміла намеснік старшыні Аляксандра Янчанкава, з 12 даведзеных прагнозных паказчыкаў і заданняў выканана 10. Не забяспечана выкананне двух: тэмп росту інвестыцый у асноўны капітал, прадукцыя сельскай гаспадаркі. Дакладчык агучыла арганізацыі Петрыкаўшчыны, у якіх значна паменшыўся аб’ём інвестыцый. Для змянення сітуацыі былі пастаўлены задачы перад упраўленнямі, аддзеламі, сектарамі райвыканкама, кіраўнікамі арганізацый.
З вынікамі выкарыстання бюджэту Петрыкаўскага раёна за 9 месяцаў бягучага года прысутных пазнаёміла начальнік фінансавага аддзела райвыканкама Валянціна Вашкевіч. Было адзначана, што бюджэт раёна традыцыйна захоўвае сацыяльную накіраванасць. Выдаткі на фінансаванне ўстаноў сацыяльнай сферы за 9 месяцаў склалі 70,4%.
На разгляд было вынесена пытанне арганізацыі харчавання дзяцей ва ўстановах адукацыі раёна. Галоўны спецыяліст аддзела адукацыі райвыканкама Алена Гапонава праінфармавала прысутных: бясплатным харчаваннем за кошт сродкаў мясцовага бюджэту забяспечваюцца 855 навучэнцаў, аднаразовым бясплатным харчаваннем, згодна з пастановай Савета Міністраў Рэспублікі Беларусь № 694 – 1313 хлопчыкаў і дзяўчынак, за кошт сродкаў бацькоў – 609. Ахоп гарачым харчаваннем ва ўстановах агульнай сярэдняй адукацыі складае 93,7%, дашкольнай адукацыі 100 %. З верасня 2023 года рэалізуюцца новыя прынцыпы ў арганізацыі харчавання. Спецыялістамі распрацавана 13 фірменных страў, якія атрымалі станоўчую гігіенічную адзнаку і ўведзены ў рацыён дзяцей.
Святлана СОБАЛЕВА,
фота аўтара.
Оставить комментарий