Напярэдадні першага вясновага свята ва ўстанове адукацыі «Гімназія г.Петрыкава» прайшоў святочны канцэрт для кіраўнікоў устаноў адукацыі Петрыкаўскага раёна.
З віншавальным словам да прысутных выступілі начальнік аддзела адукацыі Петрыкаўскага райвыканкама Людміла Жукавец, старшыня Петрыкаўскай раённай арганізацыі Беларускага прафесійнага саюза работнікаў адукацыі і навукі Тамара Басюк. Вакальныя нумары і танцавальныя кампазіцыі, падрыхтаваныя навучэнцамі гімназіі, падарылі ўсім прысутным шмат прыемных і станоўчых эмоцый.
