Дэпутат Палаты прадстаўнікоў Нацыянальнага сходу Рэспублікі Беларусь Святлана Сянько сёння працуе ў выбарчай акрузе.
На базе раённай сеткі публічных бібліятэк парламентарый сустрэлася з прадстаўнікамі галіны культуры раёна.
У час адкрытага дыялогу былі абмеркаваны тэмы электаральнай кампаніі, Году добраўпарадкавання, а таксама падпісаны ўчора кіраўніком дзяржавы Указ, якім 2025-2029 гады абвешчаны пяцігодкай якасці.
Як пазначыла Святлана Сянько, пяцігодка якасці ахопіць усе сферы жыццядзейнасці дзяржавы і грамадства.
— Прыярытэтнымі мэтамі пяцігодкі, па меркаванні Прэзідэнта, павінны стаць далейшае павышэнне якасці жыцця людзей, канкурэнтаздольнасці беларускай эканомікі, удасканаленне грамадскіх адносін, — пазначыла парламентарый.
