мазутЛета, як вядома, – сезон рамонтных работ у дарожных службаў.

Напружаная пара і ў будаўнікоў, якія пачынаюць сваю нялёгкую працу на дахах будынкаў.

І работнікі гэтых галін сутыкаюцца ў сваёй працы з мазутамі. Таму ім важна ведаць характарыстыкі рэчыва, каб пазбегнуць негатыўнага ўплыву на здароўе.

Па хімічным складзе ў мазут уваходзіць вуглярод, вадарод, кісларод, азот, сера і попел.

Выхад мазуту па вазе – каля паловы ад зыходнай нафты. Паколькі нафта мае патрэбу ў глыбокай перапрацоўцы, рэштка яе ў выглядзе мазуту таксама перапрацоўваюць як мага паўней шляхам адгонкі пад вакуумам дыстылятаў, якія выкіпаюць пры высокай тэмпературы.

З такіх вакуумных дыстылятаў атрымліваюць маторнае паліва, а яго рэшткі выкарыстоўваюць для атрымання рэшткавага змазачнага масла і гудрону, які далей перапрацоўваецца на бітум. А бітум, у сваю  чаргу, знаходзіць сваё ўжыванне пры вырабе асфальтаў і асфальтабетонаў.

Мазут з’яўляецца маланебяспечным прадуктам і па ступені ўздзеяння на арганізм чалавека адносіцца да 4-му класа небяспекі.

Ён не валодае здольнасцю ўтвараць таксічныя злучэнні ў паветраным асяроддзі і сцёкавых водах у прысутнасці іншых рэчываў ці фактараў пры тэмпературы навакольнага асяроддзя.

Але варта памятаць, што мазут з’яўляецца гаручай вадкасцю, якая здольная самастойна гарэць пасля выдалення крыніцы запальвання і мае тэмпературу ўспышкі вышэй 61 градусаў.

Мазут раздражняе слізістыя абалонкі і скуру чалавека, выклікаючы іх паражэнне і ўзнікненне скурных захворванняў. Працяглы кантакт з мазутам павялічвае ступень рызыкі захворвання органаў дыхання.

Памяшканні, у якіх праводзяць работы з мазутам, павінны быць забяспечаны агульнаабменнай прытокава-выцяжной вентыляцыяй.

У тых жа памяшканнях, дзе мазут захоўваецца, не дапускаецца захоўваць кіслоты, балоны з кіслародам і іншыя акісляльнікі. Таксама забараняецца зварот з агнём. Электраабсталяванне, электрычныя сеткі і арматура штучнага асвятлення павінны быць захаваны ад выбуху.

Пры вытворчасці, захоўванні і ўжыванні мазуту трэба прадугледзець меры, якія выключаюць трапленне мазуту ў сістэмы бытавой і ліўневай каналізацыі, а таксама ў адкрытыя вадаёмы і глебу.

Ёмістасці для захоўвання і транспартавання мазуту павінны быць абаронены ад статычнай электрычнасці.

Пры рабоце з мазутам не дапускаецца выкарыстоўваць прылады, якія даюць пры ўдары іскру.

Работы па правядзенні рамонту, чысткі, абслугоўвання, агляду, нанясенні пакрыццяў, тэхнічнага агляду, дыягностыкі, разгерметызацыі, мантажу і дэмантажу абсталявання і камунікацый з’яўляюцца газанебяспечнымі.

Персанал, які выконвае такія работы, абавязаны прайсці праверку ведаў, быць навучанымі бяспечным метадам і прыёмам працы, ужыванню сродкаў індывідуальнай абароны, правілам і прыёмам аказання першай даўрачэбнай дапамогі пацярпелым.

На правядзенне газанебяспечных работ афармляецца нарад-допуск.

Стажоры, вучні і практыканты да выканання газанебяспечных работ не дапускаюцца.

Юлія Вашурына,

старшы дзяржінспектар Мазырскага аддзела Дзяржпрамнагляду.

Оставить комментарий

avatar
  Подписаться  
Уведомление о