Петрыкаўскай раённай прафсаюзнай арганізацыяй работнікаў аграпрамысловага комплексу сумесна з галоўным тэхнічным інспектарам працы абласной арганізацыі Беларускага прафсаюза работнікаў АПК Ігарам Хрупкіным у сельскагаспадарчых арганізацыях раёна праведзены маніторынг грамадскага кантролю за выкананнем заканадаўства па ахове працы перад уборачнай кампаніяй.
У ходзе маніторынгу да работнікаў даведзена інфармацыя пра няшчасныя выпадкі, якія мелі месца ў рэспубліцы пры правядзенні ўборачных работ у 2020 годзе. З улікам бягучай сітуацыі, асаблівая ўвага была нададзена правядзенню пазапланавых і мэтавых інструктажоў па ахове працы з работнікамі, якія накіроўваюцца на працу па ўборцы ўраджаю, яго сушцы і дапрацоўцы. Важна праверыць гатоўнасць персаналу да дзеянняў у выпадку ўзгарання сельскагаспадарчай тэхнікі. Праверыць абсталяванне зернеачышчальна-сушыльных комплексаў, забеспячэнне неабходнай спецыяльнай вопраткай і абуткам работнікаў, сродкамі індывідуальнай абароны органаў дыхання, дэзынфікуючымі сродкамі, арганізацыю харчавання (патанненне кошту, якасць, кратнасць). Не пакідаць без увагі пытанне арганізацыі і правядзення медыцынскіх аглядаў работнікаў, гатоўнасці тэхнікі (зняцце з працяглага захоўвання, спраўнасць асноўных вузлоў і механізмаў), наяўнасці бытавых памяшканняў на машынных дварах і іншыя пытанні.
У асобных сельскагаспадарчых арганізацыях па розных аб’ектыўных і суб’ектыўных прычынах дапускаюцца парушэнні патрабаванняў аховы працы па абазначаных напрамках. І таму, у ходзе маніторынгу, у тым ліку ў выпадках выяўлення парушэнняў патрабаванняў заканадаўства аб ахове працы, з работнікамі, адказнымі кіраўнікамі і спецыялістамі была праведзена тлумачальная праца, выдадзены рэкамендацыі наймальнікам.
Галіна КУРЛОВІЧ,
старшыня райкама прафсаюзаў работнікаў АПК.
Оставить комментарий