ФОТАРЭПАРТАЖ: На гарадской плошчы прайшло тэатралізаванае свята «Калядкі – вясёлыя святкі»

У пачатку праграмы гучалі традыцыйныя калядныя народныя песні. Затым публіку забаўлялі работнікі гарадскога Дома культуры. Яны, перапрануўшыся ў вядомых герояў Цыганачку, Козачку, Чорта, Дзеда Мароза і Снягурку, прапаноўвалі гасцям і жыхарам Петрыкава паўдзельнічаць у конкурсах, патанчыць флэшмоб. Тыя, хто разгарачыўся, не прапускалі і секунды весялосці. Менш актыўная публіка папівала гарбату недалеча.  «Святы вечар, багаты вечар» — несліся гукі з розных бакоў. У канцы казачныя героі разыгралі класічную сцэнку: Каза спачатку танчыла з імпэтам, а потым павалілася на падлогу. Стамілася! Выратавалі яе, зразумела, рознымі прысмакамі.

Н. ПЕТРУШЭНКА. Фота аўтара.