Апошнім часам пашчасціла сфатаграфаваць дзвюх чырвонакніжных птушак з атраду буслападобных (дарэчы, усяго ў кнізе з гэтага атраду 5 відаў). З чорным буслам мы вас ужо знаёмілі, а зараз распавядзем пра вялікую белую чаплю.
Гэтая прыгажуня сустрэлася мне на адным з невялічкіх вадаёмаў вобласці, на ўсход ад Петрыкаўшчыны. Напачатку нашага “знаёмства”, былі пэўныя сумненні, але памеры і палёт з сагнутай шыяй дазволіў пазнаць у незнаёмцы вялікую белую чаплю.
Раней птушка гнездавалася на поўдні і паўднёвым-захадзе краіны ў некалькіх лакальных паселішчах. Але ў апошнія часы ўсё часцей вя-лікую белую чаплю заўважаюць літаральна па ўсёй Беларусі, нават на Віцебшчыне.
Спадзяёмся, што гнездаванне на Гомельшчыны прыйдзейцца птушцы даспадобы, а чалавек не пакрыўдзіць чаплю сваімі ўчынкамі і вынікамі гаспадарчай дзейнасці.
Арцём ГУСЕЎ.
Фота аўтара.
Оставить комментарий