У рамках акцыі “Бяспека – у кожны дом!” спецыялісты раённай службы выратавання разам з аўтакрамамі адправіліся ў рэйд па населенных пунктах раёна.
– Каб пазбегнуць пажараў неабходна выконваць простыя правілы: не паліць у ложку, сыходзячы з дому выключаць з сеткі электрапрыборы, не эксплуатаваць няспраўнае пячное ацяпленне і не пакідаць дзяцей без нагляду, – расказваў прапагандыст, уручаючы памяткі жыхарам. – Непатушаная цыгарэта, якая ўпала на гаручыя матэрыялы, здольная прывесці да пажару за лічаныя хвіліны. Пры топцы печы неабходна таксама выконваць правілы. Забаронена пакідаць печ, якая топіцца, без нагляду, а зачыняць яе патрэбна за дзве гадзіны да сну.
У час акцыі агняборцы сустракаліся з насельніцтвам і ў месцах грамадскага назначэння, даводзілі да прысутных абстаноўку з пажарамі на тэрыторыі раёна, асаблівую ўвагу ўдзялялі тэме ўстаноўкі аўтаномных пажарных апавяшчальнікаў.
– Гэты прыбор выратаваў не адно жыццё. Пры пажары апа- вяшчальнік падась гучны гукавы сігнал, які пачуе нават спячы чалавек. Не забывайцеся своечасова мяняць элемент сілкавання і ачышчаць прыбор ад пылу, – нагадвалі спецыялісты.
Святлана СОБАЛЕВА,
па інфармацыі РАНС.
Оставить комментарий